పవన్ కళ్యాణ్ తాజా చిత్రం 'తీన్‌మార్'త్వరలో మరో రికార్డుని నెలకొల్పనుంది.తెలుగు చలనచిత్ర చరిత్రలోనే రికార్డ్ స్థాయిలో ఎక్కువ థియేటర్లలో సినిమాను విడుదల చేస్తున్నారు.ఈ విషయమై మీడియాతో మాట్లాడుతూ నిర్మాత గణేష్...దాదాపు వెయ్యి థియేటర్లలో ఈ చిత్రాన్ని రిలీజ్ చేస్తున్నాం.ఇదో రికార్డు.
అలాగే పవన్‌కళ్యాణ్ ఫ్యాన్స్ అంచనాలను అందుకొనే విధంగా సినిమా రూపుదిద్దుకుంది. పవన్‌కళ్యాణ్ చిత్రాల్లోనే భారీగా ఈ సినిమాను రూపొందించాం.అలాగే 'ఖుషి' చిత్రం తర్వాత మళ్లీ ఆ స్థాయి విజయాన్ని అందుకుంటుందనే నమ్మకం ఉంది. ఈ సినిమాలో తొలిసారిగా పవన్‌కళ్యాణ్ రెండు విభిన్నమైన పాత్రలు పోషించారు. ఆ రెండు పాత్రలో ఆయన అభినయం అద్భుతం. అలాగే త్రివిక్రమ్ అందించిన అద్భుతమైన పంచ్ డైలాగులు థియేటర్లలో కేరింతలు కొట్టిస్తాయి. జయంత్ టేకింగ్ అందరినీ అలరిస్తుంది అన్నారు.
ఈ నెల 14న ప్రపంచవ్యాప్తంగా ఈ చిత్రం విడుదల అవుతోంది.త్రిష, కృతి హీరోయిన్లుగా జయంత్ సి.పరాన్జీ దర్శకత్వంలో పరమేశ్వర ఆర్ట్స్ బేనరుపై గణేష్‌బాబు ఈ 'తీన్‌మార్' చిత్రాన్ని నిర్మించారు.ఈ చిత్రానికి సహ నిర్మాత: బడే రవి, సమర్పణ: శివబాబు, నిర్మాత: గణేష్‌బాబు, దర్శకత్వం: జయంత్ సి.పరాన్జీ.
0 comments:
Post a Comment